कपिल काफ्लेको पैरवी पत्रकारिता

पछिल्लो दशकमा नेपालमा सञ्चार क्षेत्रको जुन रुपमा वृद्धि भयो, त्यसले अवसर र चुनौती दुबै थपेको छ। पत्रकारिता गर्न चाहनेहरुका लागि दर्जनौं अवसरका ढोका खुलेका छन, चुनौती यसकारणले पत्रकारिता गर्न चाहनेहरुका लागि उपयुक्त व्यवहारिक शिक्षण तथा प्रशिक्षणको खाँचो छ। त्रिभुवन विश्वविद्यालय, पूर्वाञ्चल विश्वविद्यालय र काठमाडौं विश्वविद्यालयअन्तर्गत केही क्याम्पसहरुमा पत्रकारितामा स्नातकोत्तर तहको अध्यायपन हुन थालेको छ। प्लस टू लेभलदेखिनै पत्रकारितामा पढाई सुरु हुनु सकारात्मक बने पनि अझै पनि व्यवाहारिक शिक्षाको भने खाँचो छ।
यिनै सन्दर्भहरुलाई केन्द्रविन्दूमा राखेर झन्डै दुई दशकसम्म सक्रिय पत्रकारिता तथा करिब एक दशक पत्रकारिताको प्रशिक्षणमा संलग्न पत्रकार कपिल काफ्लेले …पैरवी पत्रकारिता' सम्बन्धी पुस्तक बजारमा ल्याएका छन। यसअघि आफ्ना अनभुव र पत्रकारिता प्रशिक्षणका सन्दर्भ सामग्रीहरुको लिपिवद्ध संयोजन गरेर पत्रकारिता डटखोज प्रकाशनमा ल्याइसकेका काफ्लेको यो कृति पत्रकारिता जगतका आएको नयाँ आयामलाई परिचित गराउने उपयुक्त सन्दर्भग्रन्थ बनेको देखिन्छ।
वास्तवमा पत्रकारिता सैद्धान्तिक विषय मात्र होइन, यसमा व्यावहारिक र प्रयोगात्मक पक्ष पनि उत्तिकै सबल मानिन्छ। पत्रकारिता विषय लिएर पहिलो श्रेणीमा उत्तिर्ण भएका विद्यार्थी पनि न्यूजरुमको व्यवहारिक पक्षमा विफल भएका कैयन उदाहरण पाइन्छन। त्यसैले लेखकले सान्दर्भिक उदाहरणहरुसहित यसलाई व्यावहारिक हाते पुस्तकका रुपमा तयार गरेका
लेखक आफैले पनि यसलाई पत्रकारिता डटखोजको दोस्रो संस्करणका रुपमा स्वीकार गरेका छन। अझ परिस्कृत रुपमा केही पाठहरुलाई पुनर्प्रकासित गरिएको छ भने कतिपय नयाँ अध्याय थपिएका छन ।
कूल दश वटा अध्यायहरुमा विभाजित गरिएको पैरवी पत्रकारिता (एडभोकेशी जर्नालिज्म) पुस्तकमा पैरवी पत्रकारिताको मूल पाठलाई विशेष व्याख्यासहित प्रस्तुत गरिएको छ।

कृतिः पैरवी पत्रकारिता
लेखकः कपिल काफ्ले
प्रकाशकः पैरवी बुक हाउस
पृष्ठः २४८, मूल्यः रु.२५०

पुस्तक - थप सामग्री