प्रचण्ड अकस्मात सिंगापुर भ्रमणमा

काठमाडौं, १ मंसिर(दैनिकी)

माओवादी अध्यक्ष प्रचण्ड केहीबेरपछि सिंगापुर जाँदै हुनुहुन्छ। अकस्मात सिंगापुर भ्रमणमा निस्कन लाग्नु भएका प्रचण्ड अहिले अन्तर्राष्ट्रिय विमानस्थल पुग्दै हुनुहुन्छ। उहाँ सिल्क एअरको विमानबाट त्यसतर्फ जाँदै हुनुहुन्छ।
प्रचण्डको सिंगापुर भ्रमणका बारेमा माओवादीले कुनै जानकारी दिएको छैन। माओवादी प्रवक्ता दिनानाथ शर्माले भने भ्रमण व्यक्तिगत भएको बताउनुभयो। उहाँले अध्यक्ष प्रचण्ड तीन दिनका लागि सिंगापुर जान लाग्नुभएको जानकारी दिनुभयो।
आफ्ना माग पूरा गर्न सरकारलाई दिएको सात दिने अल्टिसेटम सकिन चार दिनमात्र बाँकी रहँदा माओवादी अध्यक्ष प्रचण्ड आज सिंगापुर जान लाग्नुभएको हो।
कांग्रेस सभापति गिरिजाप्रसाद कोइरालासँग पनि केही दिनदेखि सिंगापुरमै हुनुहुन्छ। स्थास्थ्य परीक्षण र उपचारको लागि कोइराला गत २७ गते सिंगापुर जानुभएको हो। दुवै नेताबीच सिंगापुरमा भेट हुनसक्ने बताइएको छ।

राजनीतिमा थप सामग्री