राजनीतिक दलहरूलाई कापी र कलम

पाल्पामा पनि चलाइदै हस्ताक्षर अभियान

यज्ञमूर्ति तिमिल्सिना/ १५ मंसिर

नेपाल पत्रकार महासंघको केन्द्रीय कार्यक्रम अनुसार नेपाल पत्रकार महासंघ पाल्पाले प्रमुख जिल्ला अधिकारी मार्फत संविधान सभामा प्रतिनिधित्व गर्ने २४ दलका लागि कापीकलम पठाएको छ । सोमवार सहायक प्रमुख जिल्ला अधिकारी चेतनारायण घिमिरे मार्फत सो कापीकलम पठाइएको हो ।
राजनीतिक दलहरू सरकार निर्माण र सत्ताको राजनीतिमा केन्द्रीत हुँदा संविधान लेखनको कामले गति लिन नसकेको तितो यथार्थलाई महसुस गरि नेपाल पत्रकार महासंघले शान्ति सहमति र नयाँ संविधान नेपाल पत्रकार महासंघको अभियान भन्ने मूल नाराका साथ पहिलो चरणको आन्दोलन अन्तरगत यस्तो अभियान चलाएको हो ।
पत्रकार महासंघका पाल्पाका अध्यक्ष भगवान भण्डारीद्धारा हस्ताक्ष्रीत विज्ञप्ति तथा कापी बुझ्दै सहायक प्रमुख जिल्ला अधिकारी घिमिरेले सम्वन्धित निकायसम्म पुर्‍याउने प्रतिवद्धता व्यक्त गरे । पत्रकार महासंघ पाल्पाले पनि केन्द्रीय कार्यक्रम अनुसारकै हस्ताक्षर अभियान सञ्चालन गरेको छ ।

समाज - थप सामग्री