१८ औं अन्तर्राष्ट्रिय अपाङ्ग दिवस

आज अन्तर्राष्ट्रिय अपाङ्ग दिवस २ संस्था सहित ११ जना सम्मानित

भैरहवा, १८ मंसिर

नेपालमा पनि अपाङ्गता भएका ब्याक्तिहरुको अधिकारको प्रत्याभुति,सहस्राब्दी बिकास लक्ष्यमा हुनुपर्छ यसको अनुभुती, भन्ने मुल नाराका साथ बिभिन्न कार्यक्रम गरी मनाइएको छ। दिवसकै अवसरमा आज भैरहवामा पनि १८ औं अन्तराष्ट्रिय अपाङ् दिवस मुल समारोह समिती रुपन्देहीले एक कार्यक्रमका बीच अपाङ्गता क्षेत्रमा योगदान पुर्याएका बिभिन्न संघ संस्था तथा अपाङ्ग ब्याक्तिहरुलाई सम्मान गरेको छ।

सम्मानित हुनेहरुमा दुई वटा संस्था र अन्य ११ जना ब्याक्ति रहेका छन्। महासंघले उत्कृष्ट संस्थाको रुपमा बहिरा वाल उच्च माध्यामिक बिद्यालय भैरहवा र महिला बिकाश कार्यलय रुपन्देही तथा उत्कृष्ट ब्याक्तिको रुपमा युवराज पराजुलीलाई सम्मान गरेको हो।

त्यस्तै सम्मानीत हुने ब्याक्तिहरुमा शारिरिक अपाङ्ग दिपक गुरुङ्,ओम कुमारी जिसी,अमर ज्योती स्कुल भैरहवाकी बौद्धिक अपाङ्ग रीना दास र सुगुणा केसी त्यस्तै सुस्त बाल बिद्या मन्दिर बुटबलकी बौद्धिक अपाङ्ग बर्षा भुषाल,बन्दना श्रेष्ठ,दृष्ट्रि बिहिन एम बहादुर बिक, निसा पौडेल त्यस्तै डोल कुमारी अधिकारी र डाँसीराम ढकाल हुनुहुन्छ।

महासंघको अगुवाईमा कार्यक्रम सुरु हुनु पुर्व बिभिन्न बिभिन्न स्कुल तथा संघ संस्थाका झण्डै ५सय जना प्रतिनिधिहरु सम्मीलित जनचेतना मुलक यालीले बुद्धचौकको परिक्रमा गरेको थियो।

कार्यक्रमा जिल्ला जनस्वास्थे का प्रमुख राम चन्द्र खनाल,बरिष्ठ पत्रकार दिलिप भट्टराई, राष्ट्रिय अपाङ्ग महासंघ नेपाल पश्चिमाञ्चल क्षेत्रिय सदस्य कल्पना ढकाल, बिश्व हिन्दु महासंघ रुपन्देहीका अध्यक्ष गणेशमान सैजु,साहित्यकार विजय गोबिन्द श्रेष्ठ, शारिरिक अपाङ्गको तर्फबाट लेख नाथ भण्डारी, दृष्ट्रि बिहिनका तर्फबाट मनोज पंगेनी, सुस्त मनस्थिती तर्फबाट बिष्णु प्रसाद श्रेष्ठ लगाएतले मन्तब्य ब्यक्त गर्नु भएको थियो।

बक्ताहरुले सरकारको अपाङ्गता भएका हरुलाई हेर्ने दृष्टीकोणमा अझै परिवर्तन नआएको बताउँदै यस तर्फ सरकार गंंभिर हुनुपर्नेमा जोड दिएका थिए। जुनसुकै बेला जो पनि अपाङ्ग हुने सक्नेहुँदा सरकारले अपाङ्गाको क्षेत्रमा सक्दो योगदान पुयाउनु पर्ने उनिहरुको भनाई थियो।

महिला बिकास अधिकारी उषा रावलको अध्यक्षता, स्थानिय बिकास अधिकारी तारा बहादुर कार्कीको प्रमुख आतिथ्यतामा र अपाङ्ग पुर्नर स्थापना समाज रुपन्देहीका महासचिब ओम गैरेको सञ्चालनमा कार्यक्रम सम्पन्न भएको थियो।

अपांगता सरोकारमा थप सामग्री