अपाङ्ग समाजको अधिवेशन

प्रकाश डोटेल स्याङ्जा, २६ मंसिर

स्याङ्जा अपाङ्ग समाज जिल्ला कार्य समितिको पाँचौ साधरण सभा तथा तेस्रो अधिवेशन सम्पन्न भएको छ। अधिवेशनको उद्घाटन गर्दै कार्यक्रमका प्रमुख अतिथि पुतलिबाजार नगरपालिका प्रमुख तिलक बहादुर क्षेत्रीले अपाङ्गको हक हितका लागि आफुहरु अपाङ्ग समाजसँग समन्वय गरी अगााडी बढन चाहेको धारणा राख्नुभएको थियो।

विभिन्न सरकारी कार्यलय, गै्रर सरकारी संघ सस्था, पत्रकार लगायतको उपस्थिति रहेको सो समारोहमा बोल्ने वत्ताहरुले अपाङ्गहरुलाई राज्यले विशेष ध्यान दिनुपर्ने बताउदै अपाङ्गहरुको विकासका लागि दबाब स्वरुप जिल्लामा रहेका राजनीतिक दलका प्रतिनिधि लगायत अन्य सरोकारवाला निकायलाई दबाब दिनुपर्ने बताएका थिए।

सामाजका अध्यक्ष युवराज शर्माको सभापतित्व सो कार्यक्रममा बोल्दै उहाँले स्याङ्जा जिल्लामा अपाङ्गहरुको स्पष्ट तथ्याङ्ग नभएको र तथ्याङ्ग संकलन गर्ने क्रम जारी रहेको जानकारी दिदै तथ्याङ्गर उनिहरुको अवस्थाका बारेमा छिटै नै सार्वजनिक गरिने समेत जानकारी गराउनुभएको थियो।

अपांगता सरोकार - थप सामग्री