बहिरा विश्वकप क्रिकेट प्रतियोगीताका लागि नेपाली राष्ट्रिय टिमको छनौट

सञ्जीव चापागाई ,२९ मंसिर

न्युजील्याण्डको अकल्याण्डमा हुने तेस्रो बहिरा विश्वकप क्रिकेट प्रतियोगीताका लागि नेपाली बहिरा खेलडिको छनौट सम्पन्न भएको छ। आउदो दिसेम्वर २७ देखि सन २०१० को जनवरी १० सम्म हुने प्रतियोगितामा नेपाली राष्ट्रिय टिमका लागि २० जना खेलाडि छनौट गरीएको बहिरा क्रिकेट संघ झापाले जनाएको छ। खेलाडि छनौटका लागि झापाको सुरुङ्गामा मंसिर तेश्रो साता बहिराहरुको राष्ट्रिय क्रिकेट प्रतियोगीता गराएपनि छनौटको नतीजा भने आज सार्वजनिक गरीएको हो।

नेपालि राष्ट्रिय टिमका लागि छनौट भएका खेलडिहरुमा झापाका तक्लुहाङ पालुङवा, सुमन चौहान, रुपन्देहिका कमल थापा, केशव न्यैपाने, पुर्ण चौधरी, होम केसी, विराटनगरका ललन चौधरी, धरानका निरज श्रेष्ठ रहेका छन।

त्यस्तै नक्साल बहिरा स्कुल काठमाण्डौका संगे लामा, आर्यकुमार सिंह, कृष्ण धामि, जीवन रानाभाट, विजय साउद, यजुर भट्टराई, प्रदिप जयसवाल, काठमाण्डौ बहिरा क्रिकेट संघका महेन्द्र लिम्वु, रिवेस श्रेष्ठ, सुजेन्द्र श्रेष्ठ, विवेकचन्द्र राई र इस्वर घिमीरे चयन भएका छन।

अपांगता सरोकार - थप सामग्री