देशमा गम्भिर दुर्घटना हुने

पवन पौडेल तनहुँ २२ पुष

जनमोर्चा नेपालका केन्द्रिय अध्यक्ष भरत दाहालले देशमा गम्भिर दुर्घटना हुने चेतावनी दिनुभएको छ। पार्टिद्धारा सन्चालित राष्ट्रिय मुक्ति अभियान अर्न्तगत तनहुँको सदरमुकाम दमौलीमा आज आयोजित कार्यक्रममा बोल्दै उहाँले देशमा गृहयुद्ध मच्चाएर आफ्नो सेना भिर्त्याउनका लागि विदेशीहरु मौकाको पर्खाइमा रहेको दावी गर्नुभया।
उहाँले सत्ताका लागि लुछाचुँडी गरेर दलहरुले विदेशीलाई भित्रन मौका दिईरहेको आरोप लगाउनुभयो। उहाँले देशको समस्या अर्कै रहेकेा भन्दै सुगौलीसन्धीदेखी नै नेपाल भारतको नवउपनिवेशको रुपमा रहेको भन्दै यसबाट देशलाई मुक्त गराई स्वतन्त्र गराउनुपर्ने बताउनुभयो। पुष १७ गतेबाट शुरु भएको अभियानअर्न्तगत देशभर विभिन्न ठाउँमा सभा गर्दै जनतालाई सचेत गराउने र माघ २१ गते चितवनमा पुगी कार्यक्रम सकिने जनमोर्चाले जनाएको छ।

राजनीति - थप सामग्री