मोर्चाका कार्यकर्ताहरुद्बारा यातायात बन्द

गणेश निरौला इटहरी, २२ पुष

संयुक्त लिम्बुवान मोर्चाले अरुण पूर्वका नौ जिल्लालाई लिम्बुवान राज्य घोषणा गर्नुपर्ने माग राख्दै आज सुनसरीको इटहरी चौकमा यातायात बन्द गरेका छन्। संयुक्त लिम्बुवान मोर्चाले अरुण पूर्वका सुनसरी, मोरङ्, धनकुटा, इलाम, झापा लगायतका नौ जिल्लालाई स्वयत्त लिम्बुवान राज्य घोषणा गर्नुपर्ने माग राखि मध्यान्न १ बजेदेखी यातायात बन्द गरेका हुन्।
बन्दसंगै मोर्चाका कार्यकर्ताहरु इटहरी चौकमा बसी लिम्बुवान राज्य घोषणा गर्नुपर्ने माग सहित नाराबाजी गर्दै धर्ना दिएका छन्। उनिहरुको आन्दोलनका कारण यातायातका साधनहरुलाई बैकल्पिक बाटोभएर गन्तब्यमा पठाएको इलाका प्रहरी कार्यालय इटहरीका प्रहरी निरिक्षक सुरेन्द्र सिटौलाले बताउनुभयो। मोर्चाका कार्यकर्ताहरुले यातायात बन्द गरेपछी कतिपय यात्रुहरुले सास्थि बेहोर्नुपरेको छ।

राजनीति - थप सामग्री