गुरुंग दक्षिण एसियाली ह्यान्डबल महासंघको उपाध्यक्षमा

मनोरञ्जन शर्मा ढाका,२१माघ

नेपाल ह्यान्डबल संघका अध्यक्ष तेज गुरुंग दक्षिण एसियाली ह्यान्डबल महासंघको उपाध्यक्षमा बिहीबार चयन भएका छन् । गत २००९ को जुनमा इजिप्तको काइरोमा भएको अन्तर्राष्टिय ह्यान्डबल महासंघको कंग्रेसमा गुरुंगलाई दक्षिण एसियाली ह्यान्डबल महासंघको उपाध्यक्षको जिम्मेवारी प्रदान गर्न प्रस्ताव गरिएको थियो । दक्षिण एसियाली ह्यान्डबल महासंघको बिहीबार ढाकामा बसेको बैठकले गुरुंगलाई उपाध्यक्षको जिम्मेवारी प्रदान गर्ने उक्त प्रस्तावलाई अनुमोदन गरेको हो । उक्त बैठकले गुरुंगसंगै अन्य दुई जनालाई पनि दक्षिण एसियाली ह्यान्डबल महासंघको उपाध्यक्षमा चयन गर्ने निर्णय गरेको गुरुंगले बताए । अन्य दुईमा अफ्गानी र बंगलादेशी छन् । गुरुंगको कार्यकाल चार वर्षको रहनेछ ।
आगामी दिनमा विभिन्न दक्षिण एसियाली स्तरको च्याम्पियनसिप आयोजना गर्ने निर्णय समेत उक्त बैठकले गरेको गुरुंगले अवगत गराए । जसअन्तर्गत २०१० को सेप्टेम्बरमा पुरुष र महिलाको च्याम्पियनसिप भारतको लुधियानामा, २०११ को जनवरीमा पुरुषको यु।१९ च्याम्पियनसिप भारतको लखनउमा, २०१० को जुन । जुलाईमा बिच ह्यान्डबल श्रीलंकामा र २०१० को अपि्रलमा च्यालेन्ज टफी बंगलादेशमा आयोजना गर्ने निर्णय भएको छ ।

खेलकुद - थप सामग्री