लुटिएको ट्रक फेला पर्‍यो

रन्जिता अधिकारी २३ माघ

पथलैया हेटौडा सडक खण्ड अर्न्तर्गत बाराको चुरीयामाइबाट गएराति छड सहित लुटिएको मालबाहक ट्रक चितवनको लोथरमा फेला परेको छ । बाराको सिमरा स्थित जगदम्बा स्टिल्स प्रालिबाट साढे १७ टन छड लिएर हेटौडा तर्फआउदै गरेको ना ४ ख २९९ नम्बरको ट्रक गएराती चुरीयामाइबाट लुटिएको थियो । छड नभएको अवस्थामा खाली ट्रक भेटिएको हो । लोथरका स्थानिय वासीहरुले खाली ट्रक देखेपछि बिहान ४ वजे प्रहरीलाई खवर गरेका थिए ।
ट्रकलाइ मोटरसाइकलमा सात आठ जनाको संख्यामा रहेका हतियाधारी लुटेराहरुले राति साढे आठ बजे तिर नियन्त्रणमा लिएर फरार भएका थिए । लुटेराहरुले ट्रकका चालक देवी प्रसाद अधिकारी र सहचालक विन्दु चौधरीलाइ कुटपिट गरी नजिकैको रुखमा बाधेर छड सहितको ट्रक लिएर फरार भएका हुन । लुटेराहरुले चालकसंग रहेको साढे तीन हजार रुपैया र एउटा मोबाइल पनि खोसेर लगेको पिडित चालक अधिकारीले बताउनु भयो । यसैबीच लुटेराहरु लुटिएको छडको खोजी कार्य त्रि्र पारीएको छ । जिल्ला प्रहरी कार्यलय मकवानपुर र इलाका प्रहरी कार्यलय सिमराको टोली खोजी गर्दै चितवन आइपुगेको छ ।

समाज - थप सामग्री