झाले दौरासुरुवाल लगाएर मैथिली भाषामा शपथ लिने

काठमाडौं, २४ माघ (दैनिकी)

पदीयरुपमा निस्क्रिय रहनु भएका उपराष्ट्रपति परमानन्द झाले आइतबार दिउँसो पद तथा गोपनीयताको सपथ दोहोर्‍याएर लिनु हुने भएको छ । साढे तीनबजे राष्ट्रपतिको कार्यालय शितलनिवासमा राष्ट्रपति डा. रामवरण यादवले झालाई दोहोर्‍याएर सपथ खुवाउनु हुने भएको छ ।
झाले दौरासुरुवाल लगाएर मैथिली भाषामा शपथ लिन जाने जनाउनु भएको छ । निष्कृय उपराष्ट्रपति झाले मैथिली भाषामा शपथ ग्रहणका लागि राष्ट्रपति कार्यालयमा शनिबार पत्र पठाउनुभएको थियो ।
नेपाली भाषामा सपथ लिन नमानेपछि झाको पदलाई अदालतले निस्कृय बनाईदिएको थियो । उपराष्ट्रपति झाले आज आफ्नो मातृ भाषा मैथिलीमा सपथ लिनु हुने भएको छ ।
उपराष्ट्रपति झाले नेपालीको सट्टा हिन्दी भाषामा लिनुभएको शपथ सर्वोच्च अदालतले बदर गरिदिएको थियो । मातृभाषामा पनि शपथ लिन पाउनुपर्ने अडानमा कायम रहनुभएकाले उहााको पद आठ महिनादेखि निस्क्रिय अवस्थामा छ ।
सातौँ संशोधनपछि राष्ट्रपति र उपराष्ट्रपतिले मातृभाषामा पनि शपथ लिनसक्ने प्रावधान संविधानमा थपिएको छ । यसअघि राष्ट्रपति र उपराष्ट्रपतिले नेपाली देवनागरीमा मात्र शपथ लिने प्रावधान अन्तरिम संविधानमा थियो ।

राजनीति - थप सामग्री