माथिल्लो कर्णालीको विरोधमा नेमकिपा पनि

सुरेश गिरि सुर्खेत माघ २४ ।

नेपाल मजदुर किसान पार्टीका केन्द्रिय सदस्य जग्यबहादुर शाहीले माथिल्लो कर्णाली जलविद्युत परियोजनाको सम्झौता राष्ट्रको हितमा नभएको बताउनुभएको छ ।
नेपाल मजदुर किसान पार्टिएको भातृ संगठन नेपाल क्रान्तिकारी विद्यार्थी संघ सुर्खेतले वीरेन्द्रनगरमा आयोजना गरेको माथिल्लो कर्णाली सम्झौता र यसले राष्ट्रियतामा पारेको प्रभाव विषयक अन्तरक्रियामा उहाँले यस्तो बताउनुभएको हो ।
परियोजनाबाट उत्पादित विद्युतको १२ प्रतिशतमात्र नेपालीले उपयोग गर्न पाउने गरी भएको सम्झौता खारेज गरिनु पर्ने उहाँको ठहर छ ।

परियोजनाबाट उत्पादीत विद्युत पुर्णरुपमा नेपालीले उपयोग गर्न पाउने गरी निर्माण गरिनुपर्ने उहाँको भनाइ छ ।

सभासद समेत रहनुभएका शाहीले राष्ट्रियतामा नकारात्मक असर पर्ने माथिल्लो कर्णाली सम्झौता लागु हुन नदिन सवै जिम्मेवार बन्नु पर्नेमा जोड दिनुभयो ।

यसअघि एकिकृत माओवादीले परियोजना स्थलमा पुगेर जिएमआर कम्पनिलाइ परियोजना रोक्न माग गर्दै आएको छ ।

करिब ४८ करोड अमेरीकी डलरको लागतमा ३ सय मेगावाट क्षमताको बिद्युत उत्पादन गर्ने लक्ष्यका साथ सरकारले यो आयोजनाबाट बिद्युत आपुर्ति सहज हुने महत्वकांक्षा बोकेको छ ।

परियोजना सञ्चालनकालागि नेपाल सरकारले सन २००८मा भारतिय कम्पनीसंग सम्झौता गरिसकेको हुँदा काम हुने निश्चत देखिएको छ ।

आयोजनाको लागि दैलेखको ल्याटिविन्दासैनीको रामाघाटमा बाँध निर्माण गरिसकिएको छ।

अर्थ - थप सामग्री