बाल भित्ते पत्रिका प्रकाशन सम्बन्धि तालिम सम्पन्न

संजय सौगात पाल्पा २४ माघ

चेतना बाल मञ्च झडेवा पाल्पाको आयोजना र जिल्ला बाल कल्याण समिति पाल्पाको समन्वयमा सञ्चालित बाल भित्ते पत्रिका प्रकाशन सम्बन्धि २ दिने तालिम झडेवाको देउगीरमा सम्पन्न भएको छ । बाल भित्ते पत्रिका प्रकाशन गर्ने र पत्रिकामा बाल मुद्धाहरु उठान गर्ने सीप तथा ज्ञान सिकाउने उद्धेश्यले आयोजित तालिममा झडेवा गाविस भित्र गठित बाल क्लवका १८ जना बालबालिकाहरु सहभागी भएका थिए । तालिममा बाल भित्ते पत्रिकाको महत्व र आवश्यकता, समाचार लेखन तथा पत्रिका प्रकाशन शैली र पत्रिकामा बालबालिकाका हक अधिकार र बाल मुद्धाहरु उठान गर्ने तरिका लगायतको बारेमा सिकाईएको थियो ।
तालिमको शहजीकरण जिल्ला बाल कल्याण समितिका बाल अधिकार अधिकृत हरि बहादुर सारुले गरेका थिए । तालिम झडेवा गाउँ विकास समितिको आर्थिक सहयोगमा सम्पन्न भएको हो ।

बाल बगैंचा‏ - थप सामग्री