धारामा नुहाउनेलाई एक हजार जरिवाना

डिएम चाम्लिङ र्राई खोटाङ, २५ माघ

धारामा नुहाउँदा जरिवाना तिर्नुपर्छ भन्दा जो कोहिलाईपनि अचम्म लाग्नसक्छ तर खोटाङको च्यास्मिटार गाउँ विकास समितिमा भएको छ त्यस्तै । खानेपानीको अभावभएपछि त्यहाँका स्थानीय धारामा नुहाउन र लुगा धुन बन्द गरिएको छ । पिउने पानीको आपुर्ती गर्नकालागि टोल स्वास्थ्य सुधार समिति र खानेपानी उपभोक्ता समिति च्यास्मीटारले चिलाउनेबोटे र धारापानीमा रहेको धारामा नुहाउन र लुगा धुन बन्द गरेको हो।

भएका पानीका मुहानहरु सुकेर श्रोत वन्द हुँदा स्वच्छ खानेपानीको अभाव सृजना भएको भन्दै यस्तो नियम राखिएको स्वास्थ्य सुधार समिति च्यास्मिटारका सदस्य अमृता र्राईले बताउनुभयो । दुवै समितिको नियामविपरित धारामा नुहाउनेलाई पाच सय र लुगा धुनेलाई एक हजार रुपैया जरिवाना गर्ने टोल स्वास्थ्य सुधार समिति च्यास्मीटारले जनाएको छ । समितिले धाराबाट पिउने पानी लैजानवाहेक नुहाउन र लुगा धुन बन्द गरेको छ ।

पिउने पानीको व्यवस्था गर्न र त्यसको अभावमा फैलिने झाडापखाला, आउ, हैजाजस्ता सरुवा रोग नियान्त्रणगर्नकालागि समितिले यस्तो नियाम लागु गर्नु परेको समिति सदस्य र्राईले बताउनु भयो । हाल च्यास्मीटार-१, ५ र ८ का डेढ सय घरपरिवारलाई घण्टौं हिडेर सिम्पानी र कैंजलेमा नहाउन र लुगा धुन गइरहेका छन् ।

रोचक समाचार - थप सामग्री