जेठ चौधमा नयाँ संबिधान नबने तलव भत्ता फिर्ता

राजेश घिमिरे/चितवन २५माघ

चितवन क्षेत्र ३ बाट निर्वाचित सभाषद् नारायणप्रसाद दाहालले जेठ चौध गते नयाँ संबिधान जारी गर्न नसके आफुले प्राप्त गरेको संपुर्ण तलव भत्ता फिर्ता गरेर जनताले गर्ने कारवाहिलाई स्विकार गर्न तयार रहेको बताउनुभएको छ । नारायणगढमा नारायणगढ जेसिज तथा नारायणगढ लेडि जेसिजको सहयोगमा गरिएको नागरिक संवाद कार्यक्रममा बोल्दै एकिकृत नेकपा माओवादीका केन्द्रीय सदस्य समेत रहनु सभाषद् दाहालले समयमै संबिधान निर्माण हुन नसके जिम्मेवार सभाषद्हरु जनताका बीचमा आउनै पर्ने बताउनुभयो । उहाँले एकिकृत नेकपा माओवादी नयाँ संबिधान निर्माण तोकिएकै समय भित्रमै गर्नुपर्ने पक्षमा रहेको जानकारी दिनुभयो । साथै उहाँले नयाँ संबिधान निर्माण सँगै सेना समायोजन र शान्ति प्रकृयालाई पनि निरन्तरता दिईनुपर्ने बताउनुभयो ।
कार्यक्रममा बोल्दै नेपाली काग्रेश चितवनका सभापति रामकृष्ण घिमिरेले तोकिएकै समयमा नयाँ संबिधान निर्माण कार्य सम्पन्न गर्न माओवादी बाधक बन्दै गएको आरोप लगाउनुभयो । उहाँले एक तर्फि रुपमा जातीयताका आधारमा संघीय राज्य निर्माण गरेर जातीय सद्भाव विथोल्न खोजेको आरोप लगाउनुभयो । नेकपा एमाले चितवनका अध्यक्ष कृष्ण खनालले एमालेको काँधमा अवसर सँगै जिम्मेवारी र चुनौती पनि आएको भन्दै नयाँ संबिधान निर्माण गर्ने जिम्मेवारी पुरा गरेरै छाड्ने विश्वास दिलाउनुभयो । सो अवसरमा उपस्थित सर्वसाधारणले नयाँ संबिधान, संघीयता तथा राजनीतिक अस्थिरता लगायतका विभिन्न बिषयमा नेताहरुसँग जिज्ञासा राखेका थिए ।

राजनीतिमा थप सामग्री