जनआन्दोलन पुतलीबजार नगर समिति गठन

प्रकाश डोटेल स्याङ्जा, २५ माघ

देशव्यापी रुपमा राष्ट्रिय स्वाधिनताको आन्दोलन संचालन गर्दै आएको एकीकृत नेकपा माओवादीले आज सोमबार स्याजामा जनआन्दोलन समिति गठन तथा भण्डाफोर अभियान सम्पन्न गरेको छ । स्याङ्जा सदरमुकाममा माओवादी कार्यकर्ताको एक भेलाले पुतलीबजार नगरपालिका स्तरीय संयुक्त राष्ट्रिय जनआन्दोलन समिति गठन गरेको हो । स्थानिय स्तरमा आन्दोलनलाई प्रभावकारी बनाउन समिति गठन गरिएको माओवादी स्याजाले जनाएको छ ।
भेलाले दिपक पोखरेलको अध्यक्षतामा ४९ सदस्सीय नगर स्तरीय संयुक्त राष्ट्रिय जनआन्दोलन समिति गठन गरेको छ । गठित समितिको उपाध्यक्षमा तिरबहादुर गुरुङ्, सचिवमा दुर्गादत्त शर्मा, कोषाध्यक्षमा लक्ष्मी थापा चयन हुनुभएको छ ।
भेलामा एकीकृत नेकपा माओवादी स्याङ्जाकार् इन्चार्ज रमेश सिग्देलले वर्तमान सरकारको विकल्प नखोजि यथास्थितीमा संसदवादी दलहरु रहन खोजेमा आन्दोलनले उनीहरलाई समाप्त पार्ने चेतावनी दिनुभयो । त्यस अवसरमा एकीकृत नेकपा माओवादी स्याङ्जाका सचिव तारा भुषाल, शोभाखर ढकाल लगायत वक्ताहरुले बोल्नुभएको थियो ।
भेला एकीकृत नेकपा माओवादी स्याङ्जा क्षेत्र नं. १ का क्षत्रियर् इन्चार्ज टिकाराम रेग्मीको अध्यक्षतामा सम्पन्न भएको थियो ।

समाज - थप सामग्री