उपभोक्ता समितिलाई अनुशिक्षण

प्रकाश डोटेल स्याङ्जा, २५ माघ

जिल्ला विकास समितिको प्राथमिकतामा रहेका जिल्लाका १९ ग्रामीण सडक उपभोक्ता समितिका अध्यक्ष, सचिव र कोषाध्यक्षहरुको एक दिवसीय अनुशिक्षण गोष्ठी आज सोमबार जिल्ला विकास समितिको सभाहलमा सम्पन्न भएको छ ।
उपभोक्ता समितिको गठनदेखि योजना संचालनसम्मको पक्रियाहरुको बारेमा जानकारी गर्राई दक्षता अभिवृद्धि गराउने उद्देश्यले अनुशिक्षण गोष्ठीको आयोजना गरिएको जिल्ला विकास समिति स्याङ्जाले जनाएको छ । गोष्ठिमा सहभागिहरुलाई जिल्ला विकास समिति स्याङ्जाका योजना अधिकृत उपसचिव हुमनाथ शर्मा ढकाल, लेखा उपसचिव लक्ष्मण कार्की, लेखाअधिकृत ताराचन्द्र ढकाल, धनप्रसाद कोईराल र हरिकृष्ण अधिकारीले प्रशिक्षण दिनुभएको थियो ।
सहभागिहरुलाई उपभोक्ता समितिको परिचय, संचालन हुनेे योजना, सम्झौता अनुरुप काम नभएमा हुने कारबाही, अनुगमन तथा मुल्याङ्कन, आर्थिक प्रशासन व्यवस्थापन, र्सार्वजनिक लेखा परिक्षण, प्राविधिक व्यवस्थापन लगाएतका विषयमा प्रशिक्षण प्रदान गरिएको थियो । गोष्ठीमा १९ वटै ग्रामीण सडक उपभोक्ता समितिका पदाधिकारीहरुको सहभगिता रहेको थियो ।
सो अवसरमा नेकपा एमाले जिल्ला कमिटि सचिव तथा जिल्ला विकास समितिका संयन्त्र सदस्य पुन्यप्रसाद भुषाल र स्थानिय विकास अधिकारी दीर्घनारायण पौडेलले ग्रामीण सडक निर्माणका क्रममा स्थानिय स्तरमा देखिएका समस्याको हल गर्नमा गोष्ठी सहयोगी हुने बताउनुभएको थियो ।

अर्थ - थप सामग्री