हामी नेपालीमा मानसिक दरिद्रता भयोः शिक्षामन्त्री

यज्ञमूर्ति तिमिल्सिना/पाल्पा २५ माघ

शिक्षा मन्त्री रामचन्द्र कुशवाहाले देशमा प्रविधि र सञ्चारको विकास नहुञ्जेलसम्म देशको विकास पनि नहुने बताएका छन् । सोमवार पाल्पाको तानसेनमा प्राविधिक शिक्षा तथा व्यवस्थापन तालिम परिषद्को २७ औं व्यवस्थापन गोष्ठीको उद्घाटन गर्दै मन्त्री कुशवाहाले नेपाल जस्तो सानो मुलुकमा कुनै पनि हालतमा प्रान्त हुनै नसक्ने बताए । सिटिइभिटीका अध्यक्ष समेत रहेका कुशवाहाले आत्मवल र शान्तिका पुजारी भएकोले अन्य कतिपय देशहरुले विकासको दृष्टिले निकै ठूलो फट्को मारिसकेको बताउँदै मन्त्री कुशवाहाले हामीमा मानसिक दर्रि्रता रहेकोले देश गरिव भएको हो उनले भने ।
आफ्नो मन्तव्यको क्रममा अधिकांश समय नेपाली कांग्रेसको आलोचनामा खर्चेका मन्त्री कुशवाहाले अव जय नेपाल भनेर केही पनि नहुने बताए । आफू सञ्चारमन्त्री हुँदाको समय सम्झदै उनले भने त्यतिवेला र अहिलेको नेपालीमा ठूलो चेतनाको स्तर बढेको छ।
कार्यक्रममा सिटिइभिटीका उपाध्यक्ष डा.देवी प्रसाद घिमिरे, सदस्य सचिव डा. जयबहादुर टन्डन, युनाइटेड मिसन अस्पतालकी निर्देशक डा. रचेल कारक, पाल्पाका प्रमुख जिल्ला अधिकारी जनकराज रेग्मी, स्थानीय विकास अधिकारी कृष्णचनद्र घिमिरे, उद्योग वाणिज्य संघ पाल्पाका उपाध्यक्ष राजु मर्हजन, जिल्ला स्थित विभिन्न राजनीतिक दलका नेता तथा प्रतिनिधि लगायतले बोल्दै प्राविधिक शिक्षाको विकासका लागि सरकारी तहबाटै ठोस नीति तय गरिनुपर्नेमा जोड दिए । ३ दिनसम्म चल्ने सो गोष्ठीमा देशभरका प्राविधिक विद्यालयका प्रतिनिधिहरुको सहभागिता छ । गोष्ठीले तानसेन घोषणा पत्र समेत तयार पार्ने बताइएको छ। कार्यक्रम तानसेन नर्सि· स्कुलकी प्राचार्य शकुन्तला थान्जुको सभापतित्वमा सम्पन्न भएको थियो ।

समाज - थप सामग्री