नेपाल प्रहरी सेमीफाइनलमा

गणेश निरौला इटहरी, २६ माघ

धरानमा जारी १२ औ अन्तराष्ट्रिय आमन्त्रण बुढासुब्बा गोल्कप फुटबल प्रतियोगितामा नेपाल प्रहरी काठमाण्डौको बिभागिय टोली सेमीफाइनलमा प्रवेश गरेको छ । आज भएको वि ग्रुपको दोस्रो क्वाटरफाइनल खेलमा एन्फा एकाडेमीलाई सुन्यँका बिरुद्ध ४ गोलको फराकिलो गोल अन्तरले हराउदै पुलिस क्लब सेमीफाइनलमा प्रवेश गरेको हो ।
खेल अवधिभर एन्फाको टिमलाई आफ्नो कब्जामा राखेको पुलिस ब्लबका तर्फबाट पहिलो हाफको १८ औ मिनेटमा दिपेश श्रेष्ठले पहिलो गोल गरी आफ्नो टीमको खाता खोलेका थिए।
त्यस्तै ४० औ मिनेटमा प्रहरीकै पंकज साहिले अर्को गोल गरी दुइ सुन्यको अन्तर बनाएका थिए । प्रहरीका अगाडि फितलो प्रदर्शन गरेको एन्फालाई दोस्रो हाफको ५ औ मिनेटमा पंकजलेनै पुनः अर्को गोल गरेका थिए भने दोस्रो हाफको ३१ औ मिनेटमा प्रहरीका रोशन कार्कीले अर्को गोल गरी आफ्नो टिमलाई ४ सुन्यले बिजयी बनाएका थिए।
खेल संगै एन्फा बुढासुब्बा गोल्डकपबाट बाहिरिएको छ । आजको प्रतियोगितामा प्रहरी क्लबका पंकज साहि म्यान अफ द म्याच घोषित भए । भोलिको सेमीफाईनल खेल आयोजक धरान फुटबल क्लब र काठमाण्डौको आर सि टि क्लब बीच हुनेछ ।

खेलकुद - थप सामग्री