आठ करोड रुपैया भन्दा वढी पेश्की फच्यौट हुन बाँकी

उत्तम ओझा धनगढी, २६ माघ (दैनिकी)

गत आर्थिक वर्षम्ममा जिल्ला विकास समिति कैलालीको आठ करोड रुपैया भन्दा वढी पेश्की फर्छ्यौट हुन सकेको छैन् । लामो समयदेखि रहेको पेश्की फर्छ्यौट गर्न जिल्ला विकास समिति कैलालीले चासो नदिएका कारण आर्थिक वर्ष०६५/०६६ सम्ममा जिविस कैलालीको ८ करोड ११ लाख ६८ हजार ६ सय ७६ रुपैया पेश्की फच्र्यौट हुन नसकेको हो। जिविसले विभिन्न व्यक्तिले लिएको पेश्की फर्छ्यौट गर्न चासो नदिदा लामो समयदेखि रहेको जिविसको पेश्की रकम गुम्ने अवस्थामा पुगेको छ ।
आर्थिक वर्ष०६४/०६५ सम्ममा जिविस कैलालीको पेश्की फच्र्यौट हुन बाकी २ करोड ८९ लाख ९२ हजार १ सय १३ रुपैया रहेकोमा आर्थिक वर्ष०६५/०६६ सम्म बढेर ८ करोड ११ लाख ६८ हजार ६ सय ७६ रुपैया पुगेको छ । गत आर्थिक वर्षा मात्रै ५ करोड २१ लाख ७६ हजार ५ सय ६३ रुपैया पेश्की फच्यौट हुन बाँकी रहेको छ । आर्थिक वर्ष०६४/०६५ मा २ करोड ९३ हजार २ सय ५९ रुपैया पेश्की फच्यौट भएको थियो ।
आर्थिक वर्ष०६५/०६६ मा जिविस कैलालीले संचालन गरेको विभिन्न ३८ कार्यक्रमहरु मध्ये २० कार्यक्रमहरुको पेश्की बाँकी रहेको छ । गत आर्थिक वर्षा जिविसले संचालन गरेको कार्यक्रम मध्ये सवैभन्दा वढी सामाजिक सुरक्षा कार्यक्रममा ३ करोड ६ लाख ५४ हजार १ सय रुपैया, जनसहभागिता कार्यक्रमहरुमा ४४ लाख १८ हजार ७४ रुपैया, स्थानिय स्वायक्त सासन कार्यक्रममा ३८ लाख १ हजार ८ सय १६ रुपैया, गेटा आँखा अस्पतालको भवन निर्माणमा ३३ लाख ५७ हजार रुपैया, जिविस अनुदान कार्यक्रममा २६ लाख ३४ हजार ७ सय रुपैया, आन्तरिक आय राजस्व कोषको १९ लाख २८ हजार २ सय ८० रुपैया पेश्की बाँकी रहेको छ ।
जिविसको स्थापनाकालदेखि विभिन्न व्यक्तिहरुले लिएको पेश्की रकम समयमा फच्यौट नगरेपछि जिविस कैलालीको आठ करोड भन्दा वढी रुपैया पेश्की बाँकी रहेको जिविस कैलालीका लेखापाल टेकराज भट्टले बताए ।

अर्थ - थप सामग्री