जमिम साहको हत्यामा प्रयोग भएको मोटरसाइकल बरामद

चार प्रहरी निलम्बन गरी अनुसन्धान जारी

काठमाडौँ, माघ २६ गते (दैनिकी)

काठमाडौँ महानगरपालिका लाजिम्पाटस्थित प्र्र|mेन्च राजदुतावास अगाडि माघ २४ गते दिउसो साढे २ वजे ना.१ च २१५१ नम्बरको गाडीमा अज्ञात २ जनाले गोली प्रहार गर्दा स्पेसर्टाईम नेर्टवर्क र च्यानल नेपालका अध्यक्ष जमिम साहको मृत्यु भएको घटनामा गोली प्रहार गर्न प्रयोग भएको बा.१७ प ८७३३ नम्वरको मोटरसाइकल प्रहरीले बरामद गरेको छ । उक्त मोटरसाइकल काठमाडौँ जिल्ला फुटुङ गाबिस-१ स्थित भीरबाट करीव ५० मीटर तल खसालेको अवस्थामा आज दिउसो १२ बजे प्रहरीले फेला पारेको थियो ।
उक्त घटनास्थल नजिक रहेको प्रहरी बिटमा खटिएका प्रहरी सहायक निरीक्षक लोकेन्द्र पण्डित, प्रहरी हवल्दार तुलबहादुर अधिकारी तथा प्रहरी जवानद्वय दुर्योधन यादव र अनिल र्राईलाई निलम्बन गरी छानवीन सुरु गरिएको महानगरीय प्रहरी परिसर काठमाडौँमा आज आयोजित पत्रकार सम्मेलनमा जानकारी दिइयो । साथै उपत्यकास्थित सवै नाकाहरुमा शिल्ड गरी प्रहरीले हत्याराहरुको खोजी तथा अनुसन्धान तीब्र बनाएको छ ।

समाज - थप सामग्री