ध्वंसको राजनीतिले देश बिगार्ने

प्रियास्मती ढकाल बाँके २७ माघ

प्रधानमन्त्री माधवकुमार नेपालले निषेधको राजनीति त्यागी सहमति र सहकार्यका साथ अघि वढ्न माओवादीलाई आग्रह गर्नुभएको छ । वाँकेको कम्दीस्थित राप्ती पुलको आज उद्घाटन गर्दै प्रधानमन्त्री नेपालले ध्वंसको राजनीतिले कसैलाई फाईदा नपुग्ने वताउँदै इमानको राजनीति गर्न माओवादीलाई आग्रह गर्नुभएको हो । उहाँले निर्माणको राजनीति अंगिकार गरी नानीदेखि लागेको विनासको वानी छाड्न पनि माओवादीलाई सुझाव दिनुभयो ।

प्रधानमन्त्री नेपालले सरकार निर्माणका कार्यमा दु्रत गतिमा अगाडि वढिरहेको वताउनुभयो । उहाँले विकासका पूर्वाधारविना देशको विकास हुन नसक्ने तथ्यलाई आफूले राम्रोसंग वुझेकोले सडक र पुल निर्माणलाई पहिलो प्राथमिकतामा पारेको वताउनुभयो । कार्यक्रममा वोल्दै उपप्रधान एवम् भौतिक योजना तथा निर्माण मन्त्री विजयकुमार गच्छदारले वर्तमान सरकार कुनै पनि हालतमा नढल्ने वताउनुभयो । सरकार ढाल्नलाई माओवादीले गलत शैली अपनाए पनि त्यो सम्भव नभएकाले उसले पनि अहिले सहमति र सहकार्य चाहेको दावी गर्नुभयो । उप्रधानमन्त्री गच्छदारले भन्नुभयोः यो २२ दलको समर्थनमा वनेको सरकार हो, कसैले चाहेमा ढल्दैन ।
बाँकेको राप्तीपारीका गाविस जोड्ने राप्ती नदिमाथिको पूल आजदेखि विधीवत सञ्चालनमा आएको छ । नेपालगञ्ज -वघौडा सडक खण्ड अन्तगर्तत कम्दीस्थित राप्ती पूलको आज दिउसो प्रधानमन्त्री माधब कुमार नेपालले बिधीवत उदघाटन गर्नु भएपछि पूल सञ्चालनमा आएको हो । सात वर्षअघि निर्माण थालिएको पूल गत वर्ष चैतमा मात्र सम्पन्न भएपछि उद्घाटनमा ढिलाई हुदै आएको थियो । सदरमुकाम नेपालगञ्जसाग प्रत्यक्ष सम्पर्कबाट वञ्चित हुदै आएका कट्कुइया,लक्ष्मणपुर,नरैनापुर, गंगापु, मटेहिया, पत्तेहपुर, विनौंना र वैजापुर गाविसका वासिन्दाहरुले पूला निर्माण भएपछि अब सहज आवतजावत गर्न पाएका छन् । श्री अनक क्न्सट्रक्सन, वाइभी कन्सट्रक्सन जेभिको संयूक्त ठेक्कामा करिव २० करोडको लगानमि निर्माण गरिएको पूल ३ सय ४२ मिटरको रहेको छ ।
रुबरु एफ.एमको उघदघाटन त्यस्तै प्रधानमन्त्रिले निर्माणधिन क्यान्सर अस्पतालको पनि निरिक्षण गर्ने कार्यक्रम रहेको छ । प्रधानमन्त्रीका साथ उप-प्रधान एबं भौतिक योजना तथा निमार्ण मन्त्री बिजय कुमार गच्छदार, महिला बाल बालिका तथा समाज कल्याण मन्त्री सर्बदेब ओझा पनि कार्यक्रममा सहभागी हुनु हुन्छ ।

राजनीति - थप सामग्री