क्षेप्यास्त्रबाट १६ लडाकूको मृत्यु

पाकिस्तान २७ फागुन(दैनिकी)

पाकिस्तानको उत्तर–पश्चिम सीमा क्षेत्रको आदिवासी इलाकामा खसालिएका दुई क्षेप्यासबाट १६ लडाकूको ज्यान गएको सुरक्षा अधिकारीहरुले बताएका छन्। मानवरहित जासुसी विमानहरुले अफगानिस्तानसँग सिमाना जोडिएको उत्तरी बजिरिस्तानमा लगातार प्रहार गरेको क्षेप्यास्त्रहरु एक भवन र गाडीहरुमाथि वर्षिएका थिए। यो ठाउँ तालिवान र अलकायदा सम्बद्ध लडाकूहरुको मुख्य थलो मानिन्छ। छिमेकी मुलुक अफगानिस्तानमा अमेरिकी र नेटो फौजविरुद्ध योजना बनाउने र हमला गर्ने प्रयोजनका लागि यी हिमाली आदिवासी इलाकाहरुलाई प्रयोग गर्दैआएको भन्दै वासिङ्टनले ती लडाकूहरु विरुद्ध कारबाही अघि बढाइरहेको छ। दुई मुलुकबीचको सीमाक्षेत्रमा भइआएको रक्तपातपूर्ण विद्रोहको सामना गर्ने विषयमा पाकिस्तानी नेताहरुसँग वार्ता गर्न अफगान राष्ट्रपति हमिद कार्जाइ इस्लामावाद रहेकै बेला क्षेप्यास्त्र हमलाको यो घटना भएको छ।एएफपी

समाज - थप सामग्री