सहज हुँदैछ चँदराको जीवन

डिएम चाम्लिङ राई/खोटाङ २८ फागुन

हातमा सीप र शरिरमा जोश भए पैसा कमाउनका लागि विदेशनै किन जानुपर्‍यो? आफूसंग भएका सीपलाई सदुपयोग गरेर मेहनत गरे पैसा कमाउन विदेश जानु नपर्ने खोटाङ जाल्पा ४, पुरानागाउँका हर्कबहादुर विक र सुखे विकले उदाहरण प्रस्तुत गरेका छन्। युवाहरु वेरोजगार भएर गाउँबाट वैदेशिक रोजगारीमा गएर दुःख पाएको, जेल परेको खबरहरु सुनिरहँदा उनिहरुभने वेरोजगार युवाहरुलाई गाउँमै बसेर केही सीपमूलक काम गर्न सल्लाह दिनेगरेका छन्। गाउँमै ठेका बनाएर वर्षोदेखि जीविका चलाउँदै आएका दुई वावुछोराले विदेश जाने दाजुभाईहरुलाई विदेशको लगानी स्वदेशमा गर्न सल्लाह दिन्छन्।

स्थानीय स्तरमा पाईने दार, चाँप, पयले, सादन लगायतका वनस्पतीहरुबाट ठेका बनाउने गरिन्छ। काठलाई आकर्षक रुपमा कुदेर बनाईएको ठेका दूध जमाउन, दहि बनाउन र महि पारेर घ्यू निकाल्न प्रयोग गरिने भएकाले उपयोगी मानिन्छ। स्थानीय रुपबाटनै उद्योग सञ्चालन गरि ठेका, कठ्वा, कुरुवा लगायतका समाग्री बनाउने गरिएको छ। यसरी बनाईएको समाग्रीहरु प्रति गोटा तीन सय देखि पाँच हजार रुपैया सम्ममा विक्रि गरिने हर्क विकले बताउनुभयो।

ठेकाबनाउने पेशा अंगाल्दै आएका चँदराले ठेका बनाएरनै जीविका चलाउँदै आएका छन्। वर्षौ देखि यहि पेशाबाट बाँचेका यी चँदराहरुले वार्षिक एक लाख भन्दा बढि आयआर्जन गर्नेगरेका छन्। अब दिनप्रतिदिन ठेका बनाउने पेशा हराउँदै गएको पाईन्छ। पुरानाहरुको वल घट्दै जानु, युवाहरु पेशाप्रति प्रतिवद्ध नहुँनु र जङ्गलमा यस्ता वहुमूल्य वनस्पती दार, चाँप, पयले, सादन मासिदै गएपछि ठेका बनाउने पेशा संङ्कटको घेरामा रहेको विकले बताउनुभयो। ठेका किन्नका लागि जिल्ला भित्र र बाहिरका ग्राहकहरु गाउने गरेका छन् तर ग्राहकको माग अनुसारको समाग्री तयार पार्न सकिएको छैन उहाँले भन्नुभयो। अहिले जिल्लाको जालपा, खोटाङबजार लगायतका ठाउँहरुमा ठेका बनाईने गरिएको छ।

समाज - थप सामग्री