पाल्पामा कफी खेती फस्टाउँदो

यज्ञमूर्ति तिमिल्सिना/२८ फागुन पाल्प

आफ्नो घरायसी प्रयोजनका लागि मात्र लगाइने कफी पाल्पाका किसानका लागि विगत एक दशक देखि आयआर्जनको राम्रो श्रोत बनेको छ। नेपालका प्रमुख व्यापारिक केन्द्र देखि युरोपका विभिन्न देशहरुमा पनि यसको माग वढ्न लागेपछि अर्गानीक तरिकाले उत्पादन र प्रशोधन गरिएको पाल्पाली कफी आम्दानीको प्रमुख श्रोत वनेको हो।खेतीका लागि अत्यन्त कम प्रयोगमा ल्याइने जमीनमा लगाइदै आएको कफी खेती जिल्लाका ४१ वटा गा वि स र एक वटा नगरपालिकामा व्यावसायीक रुपमा खेती गरिदै आइएको छ। वार्षिक रुपमा २ टन भन्दा वढी उत्पादन हुने ८३ वटा समूहमा झण्डै तिन हजार कृषकहरु आवद्ध भएका छन्।
सरकारको सहयोग विना कृषकहरुको एकल प्रयासले भर्खर वामे सर्न लागेको कफी खेतीवाट वार्षिक ४ हजार देखि २ लाख रुपैया लागि अत्यन्त उत्तम हवापानी र भौगौलिक भूवनोटका हिसावले पाल्पा जिल्ला राम्रो भएपनि सरकारले कफी खेतीको विकाशमा कुनै सहयोग नुपयाएको र कृषकहरूकै एकल प्रयासले मात्र यहा सम्म आइपेगेको कृषकहरु वताउँछन्। पाल्पा जिल्लामा उत्पादित कफी मध्य अधिकांश अमेरिकाको हाइल्याण्ड कफी कम्पनीले नै खरिद गर्ने गरेको छ। अहिले पाकेको वोक्रा नछोडाएको पल्पीङ्ग नगरिएको प्रति केजी २७ रुपैयाँमा खरिद भइरहेको कफी व्यवसायी सघंका अध्यक्ष रेन्वत वहादुर विष्टले विष्टले बताए।

अर्थ - थप सामग्री