बम लगाएतका बिष्फोट पदार्थ सेनाको नियन्त्रणमा

शुरेश गीरी, सुर्खेत–१ चैत

सुर्खेतको वीरेन्द्रनगर–१ बाङ्गेसिमलस्थित प्रहरी चौकी नजिक आजविहान भेटिएको प्रेसर कुकर बमलगाएतका बिभिन्न बिष्फोटक पदार्थ नेपाली सेनाले नियन्त्रणमा लिएको छ। ५ लिटर क्षमताको प्रेसर कुकर बम, १ थान डेटोनेटरलगाएतका बिष्फोटक पदार्थ नेपाली सेनाको बम डिस्पोजल टोलीले नियन्त्रणमा लिएको हो। बममा जोडिएको तार चुँडिएको हुनाले पडि्कन नपाएको बताइएको छ। प्रहरी चौकी नजिक रहेको खहरेखोलाको पुलमुनि आजविहान ७ वजेतिर भेटिएको बमलगाएत बिष्फोटक पदार्थ सेनाको मध्यपश्चिम पृतनाको भैरब दल गणबाट गएको टोली नियन्त्रणमा लिएको हो। बम देखेपछि स्थानियबासीले प्रहरीलाई खबर गरेका थिए। बम भेटिएको ठाउँमा नेपाल डिफेन्स आर्मीको पर्चाहरु भेटिएको बाँगेसिमल प्रहरी चौकीले जनाएको छ। अनुसन्धान जारी रहेको जिल्ला प्रहरी कार्यालय सुर्खेतले जनाएको छ।

समाज - थप सामग्री