असिनाले खेतीपातीमा ठूलो क्षति

दमौली, २ चैत (दैनिकी)

आइतबार साझ करिब आधा घण्टासम्म परेको असिना पानीले तनहुँका विभिन्न ठाउँका खेतीपातीमा ठूलो क्षति पुर्‍याएको छ । तनहुँको दमौली, सागे, चापाघाट, बैरेनी, गुणादीलगायतका क्षेत्रमा परेको असिना पानीले भर्खरै उम्रेको मकै, चैतेधानको ब्याड, पाक्ने अवस्थाको गहुँ बालीमा क्षति पुर्‍याएको बताइएको छ । यहाँ दस ग्रामसम्मका असिना परेपछि बालीनालीमा क्षति पुगेको किसानले जनाएका छन् । असिना पानीसँगै आएको हावाहुरीले पनि फलफूलमा लागेको फूलका कोपिला नष्ट भएको छ ।
असिना पानीले ठूलो परिमाणमा खेतीबालीमा नोक्सानी पुर्‍याएपछि किसानहरु चिन्तित बनेका छन् । असिनाबाट भएको क्षतिको पूणविवरण आइनसकेको जिल्ला कृषि विकास कार्यालय तनहुँले जनाएको छ । शनिबार साँझ पनि सागे फाँटमा असिना पर्दा खेतीबालीमा क्षति पुगेको किसान र्सर्की कुमालले बताउनुभयो । रासस

अर्थ - थप सामग्री