अमेरिकी कूटनीतिज्ञद्वारा धोकाधडी

सोल, २ चैत(दैनिकी)

एक स्थानीय महिलाबाट करिब दुई लाख अमेरिकी डलर ठगेको आरोप खेपिरहेका दक्षिण कोरियास्थित एक अमेरिकी कूटनीतिज्ञ फिलिपिन्स पलायन भएका छन्। होमल्याण्ड सेक्यूरिटी मन्त्रालयका ५० वर्षीय ती अमेरिकीमाथि एक विधवाबाट फिलिपिन्समा विद्यालय बनाइदिने र त्यसबाट उच्च प्रतिफल आउने आशा देखाएर उक्त रकम हात पारेको बुसान हायन्डाका प्रहरीले जनाएको छ। अनुसन्धाताले ती अमेरिकीसँग कुनै व्यापारिक योजना नभएको र मार्च ३ मा गुपचुप रुपमा देश छोडेको जानकारी दिए।
नोभेम्बरमा गरिएको केरकारमा ती अमेरिकी आफ्नो अपराध कबूलेको थियो। अमेरिकी अधिकरीहरुले उनलाई कुटनीतिक जिम्मेवारीबाट मुक्त गर्ने बताएको दुई दिनअघि उनी फिलिपिन्स गएका हुन्।एपी

विदेश - थप सामग्री