जन्मदर बढाउने आकर्ष नाराका लागि पुरस्कार

ताइपेइ, ३ चैत (दैनिकी)

मुलुकको घट्दो जन्मदरलाई उकास्न ताइवानले मङ्गलबार आकर्ष नारा लेखिदिने व्यक्तिलाई १० लाख ताइवानी डलर (३१ हजार २५० अमेरिकी डलर) पुरस्कार दिने घोषणा गरेको छ । गृह मन्त्रालयको एक वक्तव्यमा भनिएको छ- जनसाधारणको मन छुने र हरेकलाई बालबच्चा पाउन उत्प्रेरित गर्ने एक आकर्ष नाराको खोजीमा हामी छौं ।
ताइवानका अधिकारीहरूले जन्मदर उकास्न विभिन्न सहुलियतहरू गर्दै आएको भएपनि फलदायी बनेको छैन । ताइवानी अधिकारीहरू मुलुकमा जनशक्तिको प्रचण्ड अभाव भएर सामाजिक र आर्थिक समस्याहरू पैदा हुनसक्ने तर्फचिन्तित छन् ।
मन्त्रालयकाअनुसार गतवर्षहरेक एक हजार व्यक्तिको जन्मदर ८.२९ रहेको थियो । राष्ट्रसङ्घको आँकाडामा हरेक एक हजार जनताको सरदर विश्वव्यापी जन्मदर २० छ ।एएफपी

विदेश - थप सामग्री