कामचलाउ सरकारद्वारा १ सय १० अर्बको पेश्की बजेट प्रस्तुत

चालु आर्थिक वर्षको कुल व्ययको एक तृतीयांसमा नबढ्ने गरी आगामी आर्थिक वर्षका लागि खर्च गर्ने

काठमाडौं, २८ असार (दैनिकी)

सरकारले १ सय १० अर्ब २१ करोड ७२ लाख ८० हजार रुपियाँको पेश्की बजेट ल्याएको छ । संविधानसभा भवन नयाँबानेश्वरमा सोमबार बसेको व्यवस्थापिका संसदको बैठकमा कामचलाउ सरकारका अर्थमन्त्री सुरेन्द्र पाण्डेले आर्थिक वर्ष २०६७/६८ को लागि पेश्की बजेट स्वरुप १ सय १० अर्ब २१ करोड रुपियाँको पेश्की बजेट प्रस्तुत गर्नुभएको हो । अन्तरिम संविधानको धारा ९६ को उपधारा २ मा ‘राजस्व र व्यय सम्बन्धि विशेष’ व्यवस्थाअनुसार कामचलाउ अर्थमन्त्रीले चालु आर्थिक वर्षको कुल व्ययको एक तृतीयांसमा नबढ्ने गरी आगामी आर्थिक वर्षका लागि खर्च गर्ने अधिकारको विधेयक ल्याउनु भएको हो । प्रधानमन्त्री माधवकुमार नेपालले राजीनामा दिइसकेको तर नयाँ सरकार बन्न नकसेको अबस्थामा काम चलाउ सरकारका अर्थ मन्त्रीको हैसियतले काम चलाउन बजेट ल्याउनुभएको हो । राजनीतिक संकीर्णताका कारण अपेक्षित आर्थिक बृद्धिदर हासिल गर्न नसकेको अर्थमन्त्री सुरेन्द्र पाण्डेले उल्लेख गर्नुभयो । सभासदहरुको सामान्य टिप्पणी पछि उक्त पेश्की बजेट पारित भएको छ ।

अर्थ - थप सामग्री