गरिवी निवारण कोषको अनुगमन

शिवराज ढुंगाना अछाम, २८ असार

गरिवी निवारण कोषले विभिन्न साँझेदार संस्थाद्धारा सञ्चालन गरेका कामहरुको अनुगमन गरिएको छ। नेपाल पत्रकार महासंघ अछामद्धारा सो अनुगमन गरेको हो।
पत्रकारहरुले कोषको सहयोगमा सञ्चालन भएका कार्यक्रमहरुमा सामुदायिक संस्था छनौट, सामुदायिक संस्थाहरुमा सदस्यहरुको छनौट र आयआर्जन लगाएतका भौतिक निर्माणमाका मागहरुका बारेमा अनुगमन गरिएको छ। पत्रकार महासंघ अर्न्तगत रहेका अछाम जिल्लाका सञ्चारमाध्यम र पत्रकारहरुले यस्तो अनुगमन गरेका हुन्। अछाम जिल्लाका कोषको कार्यक्रम पाएका ८ ओटा साझेदार संस्थाहरुले गरीएका कार्यक्रमहरुको अध्ययन गरिएको नेपाल पत्रकार महासंघ अछाम शाखाका अध्यक्ष वेदप्रकाश तिमिल्सैनाले बताउनु भयो।
नयाँ साझेदार सस्थाहरुमा दलित सेवा संघ, वाक अछाम, भिडेक नेपाल, जनसेवा युवा समाज, स्थानिय विकास कोष, पिआरएसडिसी, मालिका विकास संघ, इकार्डस् नेपाल रहेका छन्। ति संघ सस्थाहरुमा प्रत्येकले ३/३ गाविसका दरले ४० गाविसमा आफ्ना कार्यहरु सञ्चालन गरिरहेका छन्। सो अनुगमन गत साता देखी शुरु भएको हो।
यस भन्दा अघि अछाम जिल्लाका विभिन्न ८ वटा साझेदार संस्था मार्फत कोषको कार्यक्रम सञ्चालन भइरहेको छ। अछाम जिल्लामा अब १६ संघ संथाले गरिवी निवारण कोषको कार्यक्रम सञ्चालन भइरहेको छ।

अर्थ - थप सामग्री