समन्वय भएमात्रै संविधान, राजनीति निकास विना विकास असम्भव

प्रकाश डोटेल स्याङ्जा, ११ साउन

नेपाली काँग्रेसका केन्द्रिय उपसभापति गोपालमान श्रेष्ठले दलहरु विचमा विगतमा भएका सहमति अनुसार भावि रणनीतिमा समन्वय भएमात्रै संविधानसभाको बैंठकले तय गरेको तालिका अनुसार नयाँ संविधान जारी हुनसक्ने बताएका छन् ।
राजनीति निकास विना, विकास निर्माणका कामहरु द्रुतगतिमा अगाडी नबढने जिकिर गर्दै उपसभापति श्रेष्ठले, सबै दलहरु दलगत स्वार्थ त्यागेर सहमतिमा अगाडी बढनुपर्नेमा जोड दिए ।
जिविकोपार्जनका लागि सामुदायिक ग्रामीण विद्युतीकरण भन्ने नाराका साथ सामुदायिक विद्युत उपभोक्ता राष्ट्रिय महासंघ नेपालको केन्द्रिय पाँचौं बाषिर्कोत्सवलाई आज स्याङ्जामा सम्बोधन गर्दै उपभासपति श्रेष्ठले सो कुरा बताएका हुन् ।
बाषिर्कोत्सवका अवसरमा महासंघका अध्यक्ष डिल्ली घिमिरे, उपाध्यक्ष नारायणप्रसाद पौडेल, महासचिव नारायण ज्ञवालीले सामुदायिको सक्रियता विना नेपालमा विद्युत विकास हुन नसक्ने दावी गर्दै ग्रामीण विद्युतीकरणमा राज्यले चासो दिनुपर्नेमा जोड दिए ।
सोहि अवसरमा नेपालको विद्युतीकरणमा रहेका चुनौती र सामुदायिक ग्रामीण विद्युतीकरणको रणनीति विषयक कार्यपत्र प्रस्तुत गरिएको थियो ।

राजनीति - थप सामग्री