काँग्रेसको महाधिवेशन प्रतिनीधी छान्न निर्वाचनको चटारो

प्रियास्मृती ढकाल वाँके १४ साउन

शनिबार हुने नेपाली काँग्रेस बाँकेको क्षेत्रिय निर्वाचनको तयारी पूरा भएको छ। महाधिवेशन प्रतिनीधी, क्षेत्रस्तरिय सभापति तथा जिल्ला समिती सदस्य समेत निर्वाचित हुने भएकाले क्षेत्रिय निर्वाचनको चटारो बढेको छ। नगर, वडा, गाँउकमिटीबाट चुनिएकाहरु मतदाता हुने प्रावधान अनुसार हिजै सम्पूर्ण मतदाताहरुको अन्तिम नामावली प्रकाशन गरिसकिएको निर्वाचन समिती बाँकेले जनाएको छ। क्षेत्रिय नेतृत्व निर्वाचनका लागि भोली विहानैबाट निर्वाचन प्रक्रिया शुरु हुने सहायक निर्वाचन अधिकृत लोक बहादुर शाहले जानकारी दिनु भयो। निर्वाचनको पुर्व सन्धयामा जिल्लाभरीका नेता तथा कार्यकर्ताहरु पार्टी कार्यालयमा जम्मा हुने क्रम बढेको छ भने उम्मेदवारहरु प्रचारका लागि घर दैलो अभियानमा लागेका छन्।

राजनीति - थप सामग्री