मनभित्र

काठमाडौं, १८ जेठ (दैनिकी)

मेरो हेराइमा फरक छैन
तर समाजको केही भर छैन
तिमी मेरो अभिन्न मित्र
ऊ मेरो जीवनभित्र ।

मेरा भावनाहरुमा समानता छ
तर पनि सामाजिकतामा बाधिएको छु
तिमीसंग खुशी बाड्न मन लाग्छ
ऊ संग दुःख साट्न मन लाग्छ ।

मेरो सोचाइमा अधिरता छैन
तर पनि ममा स्थिरता छैन
तिम्रो शंकालु बानी माथि गर्व लाग्छ
उसको चिन्तन पनि स्वभाविक लाग्छ ।

तिम्रा चाहानाहरुको कदर गर्छु
उसका भावनाहरुको आदर गर्छु
मेरा निर्णयहरुमा दोषहरु होलान् ।

तर के गरु विवश छु म
तिम्रो सामिप्यताको कामना साधै छ
र उसको सहनशीलताको खाचो छ सधै
फरक छैन् मेरो हेराइमा कतै
फरक छैन् मेरो सोचाइमा कतै
हरे उसले यो सोचि दिए हुन्थ्यो
हरे तिमीले यो बुझि दिए हुन्थ्यो
अनि सबैले यो सम्झीदिए हुन्थ्यो ।।।

साहित्यमा थप सामग्री