सगून लाइभ क्रिकेट

काठमाडौं, २१ जेठ(दैनिकी)

नयाँ सर्च इंजिनका रुपमा नेपाली युवाहरुले विकसित गरेको सगून डटकमले क्रिकेटसम्बन्धी सबै सूचना एकै ठाउँबाट उपलब्ध हुने गरी क्रिकेटडट सगून डटकम(cricket.sagoon.com)सुरु गरेको छ ।
यो सब डोमेनमा क्रिकेटसम्बन्धी सबै किसिमका सूचना विभिन्न कोणबाट उपलब्ध गराइने सगून इंकले जनाएको छ ।
सगूनले लाइभ स्कोरबोर्ड, प्रत्येक बलिङमाथि कमेन्ट्री, टेलिभिजनका पर्दामाझैं ग्राफ सहितको सूचना प्रवाहित गरिने कम्पनीद्वारा जारी विज्ञप्तीमा उल्लेख छ । यो साइटमा क्रिकेटसम्बन्धी समाचार, ब्लग तथा भिडियो पनि उपलब्ध हुने छ ।
यो साइटमा अहिले भइरहेका प्रतियोगिताहरुमात्र नभई आगामी दिनमा हुने म्याच र टूरहरु (टेस्ट, ओडीआई, टी ट्वान्टी, आइपीएल, आइसीएल) बारेमा सूचनाहरु पनि प्रवाहित गर्ने भएको छ ।
सगुन डटकम 'र्‍यान्डोम भेक्टर मोडल'मा आधारित सर्च इंजिन हो । यो प्रविधिले प्रयोगकर्ताहरुलाई अर्थपूर्ण नतीजा दिन चलनचल्तिको शाब्दिक खोज बिधिको सट्टा शब्दार्थ खोज बिधिलाई बढावा दिन्छ।
सगुनको नतीजा विभिन्न स्रोतहरुलाई समेटेर निस्कन्छ। यसको नतीजा सगुनको सूची तथा अन्य ठूला सर्च ईन्जिनको समिश्रणबाट आउछ।

प्रबिधि - थप सामग्री