ह्याकिङ्गका कारण फेसबुक र टि्वटर प्रभावित

काठमाडौ, २३ साउन (दैनिकी)

फेसबुक र टि्वटर जस्ता सामाजिक नेटवर्किङ्ग वेभसाइटको कामकाज ह्याकिङ्गको कारण प्रभावित भएको छ। ह्याकिङ्गका कारण टि्वटर दुई घन्टा भन्दा बढी समय बन्द गर्न परेको थियो र फेसबुकको सेवामा पनि केही हदसम्म प्रभाव परेको थियो। यी कम्पनीहरुले जनाएअनुसार, बिहीबार ह्याकरहरुले डिनायल अफ सर्भिस एक्टेस प्रक्रियाबाट यी साइटहरुमाथि आक्रमण गरेका थिए। डिनायल अफ सर्भिस एक्टेस कयौ तरिकाबाट हुन सक्ने र सामान्यतया : कम्पनीको सर्वरमा यति धेरै मात्रामा डाटा पठाइन्छ कि सर्बर काम गर्न बन्द गर्दछ। टि्वटरको सह संस्थापक बिन्ज स्टोनले यो गलत मनसायले गरिएको आक्रमण भएको बताएको छ। फेसबुकको सर्न्दभमा पनि फेसबुक बन्द नभएपनि यसको सेवामा भारी मात्रामा असर परेको कम्पनीले जनाएको छ। यो भन्दा पहिले पनि फेसबुक र टि्वटर ह्याकरहरुको आक्रमणको निशानामा परेका थिए। गत जनवरीमा ह्याकरहरुले अमेरिकी राष्ट्रपति बाराक ओबामा र गायिका ब्रिटनी स्पेयर्सको टि्वटर एकाउन्ट ह्याक गरेका थिए। फेसबुकले आफ्ना सक्रिय सदस्य संख्या २५ करोड रहेको जनाएको छ भने टि्वटरसँग ५० लाख सदस्य भएको जनाईएको छ। सामाजिक नेटवर्किङ्ग साइटहरुको प्रभाव विश्वव्यापीरुपमा फैलिएको अनुमान गरिएको छ। इरानमा गत राष्ट्रपति चुनावमा यस्ता साइटहरुमा प्रतिबन्ध लगाईएबाट पनि यसको प्रभावको मूंल्याकन गर्न सकिन्छ ।

प्रबिधि - थप सामग्री